Asiantaeth sy’n arbenigo mewn cyfathrebu creadigol ydy Alaw, ac mae diwylliant a chymunedau yn greiddiol i’n gwaith. Rydyn ni’n creu ymgyrchoedd sy’n cysylltu pobl â’i gilydd – gan ddathlu hunaniaeth Gymreig, creadigrwydd, a straeon. Mae ein cleientiaid yn amrywio o awdurdodau lleol a chyrff twristiaeth i sefydliadau celfyddydol a phrosiectau diwylliannol, a’r rheini wedi’u lleoli ym mhob cwr o Gymru.

Yn eu plith mae: Croeso Cymru, Ymweld ag Eryri, Sain, Y Wobr Gerddoriaeth Gymreig, Gŵyl Dinas Gerdd Caerdydd, Gogledd Cymru Actif, Llechi Cymru, Cyngor Llyfrau Cymru 

Rydyn ni’n chwilio am Grëwr Cynnwys creadigol a brwd i ymuno â’n tîm bach, angerddol.

Byddwch chi’n gweithio gyda’n cleientiaid i gynllunio, creu a chyflwyno cynnwys difyr – o fideos byr a ffotograffiaeth i negeseuon ar y cyfryngau cymdeithasol ac asedau ymgyrchoedd.

Byddwch chi’n helpu i ddod â straeon ein cleientiaid yn fyw mewn ffordd sy’n ysbrydoli ac yn teimlo’n ddilys. 

• Cynllunio, creu a golygu cynnwys difyr ar gyfer y cyfryngau cymdeithasol, gwefannau ac ymgyrchoedd

• Gweithio’n agos gyda rheolwyr cyfrifon Alaw i ddarparu cynnwys o ansawdd gwych, a hynny’n brydlon ac yn unol â’r briff

• Mynd i ddigwyddiadau ledled Cymru i dynnu ffotograffau a ffilmio er mwyn creu cynnwys gweledol

• Ysgrifennu capsiynau a chopi difyr yn unol â naws llais y cleient

• Helpu i amserlennu a chyhoeddi cynnwys ar wahanol blatfformau

• Helpu i ddatblygu cysyniadau creadigol a syniadau ar gyfer ymgyrchoedd

• Mae gennych chi lygad craff wrth greu deunydd gweledol, ysgrifennu ac adrodd straeon

• Rydych chi’n hyderus yn saethu ac yn golygu fideos byr (Reels/TikTok) ac yn creu ffotograffiaeth

• Mae gennych chi brofiad o greu cynnwys i sianeli ar y cyfryngau cymdeithasol (Instagram, Facebook, TikTok, YouTube)

• Rydych chi’n hyderus yn creu graffeg ar gyfer negeseuon ar y cyfryngau cymdeithasol drwy ddefnyddio Canva neu Adobe

• Rydych chi’n unigolyn trefnus a dibynadwy sy’n gallu rheoli nifer o brosiectau ar yr un pryd

• Rydych chi’n barod i gydweithio, yn gyfeillgar, ac yn gyfforddus yn gweithio’n uniongyrchol gyda chleientiaid

• Mae sgiliau yn y Gymraeg yn hanfodol

• Amgylchedd gweithio creadigol a chefnogol sy’n ystyriol o deuluoedd

• Oriau hyblyg a gweithio hybrid (mae cyd-bwysedd yn bwysig i ni)

• Cyfleoedd i ddatblygu – o roi cyfeiriad creadigol i greu strategaethau ymgyrchoedd

• Y cyfle i fod yn rhan o brosiectau ysbrydoledig sydd wedi’u gwreiddio yn niwylliant, llefydd a chymunedau Cymru

• Llais mewn tîm bach lle bydd eich syniadau yn cael gwir ddylanwad ar ein gwaith

• Y cyfle i weithio gyda brandiau a sefydliadau o bwys ledled Cymru

• Cyfraniadau pensiwn. 25 diwrnod o wyliau blynyddol (+ gwyliau banc)